Olwaleero Omumyuka Asooka owa Katikkiro (Oweek. Proff. Twaha Kawaase Kigongo) akwasizza ebitongole ebyanywa mu binnaabyo akendo mu mpeereza y’emirimu omwaka gwa 2025. Mu bitongole ebisiikiddwa, ne Nkuluze mwebadde era ekiikiriddwa: Omw. Sserunjogi Derrick (Akulira Ebyensimbi), Mw. Simon B. Ssenkaayi (Omukwanaganya w’Emirimu) ne Muky. Christine Nakiguli (Omukwanaganya w’Emirimu mu Kampuni ya Nkuluze Holdings)
Enteekateeka eno ekolebwa buli mwaka, okwongera okunyweza empeereza etambulira ku butangaavu, okugoberera amateeka n’okutuukiriza obuvunaanyizibwa obwateekesaawo ekitongole ekyo.
Mu buwufu obwo, Nkuluze yeebaziddwa ne Kimeeme w’embuzi (Shs.400,000) olw’obukulembeze obulungi n’empeereza etuukiriza amateeka g’Eggwanga. Kino nno Nkuluze ekituuseeko okuyita mh kitongole kyayo ekya Nkuluze Holdings Ltd ekivunaanyizibwa okusiga ensimbi nga kituukiriza amateeka n’emisoso gyonna.
Oweek. Proff. Twaha Kawaase Kigongo akubirizza ebitongole okunyweza omutindo guno; era n’akubiriza ebitongole byonna okulafuubana okulaba nga nabyo bibeera mw’ebyo ebyebazibwa.